Мақсаты: Газ өнеркәсібінің тиімділігін, қауіпсіздігін және тұрақтылығын арттыруға бағытталған озық ғылыми зерттеулер мен әзірлемелер жүргізу, инновациялық технологиялар мен әдістерді енгізу, сондай-ақ экологиялық және энергетикалық сын-қатерлерді ескере отырып, саланың тұрақты дамуын қамтамасыз ету.

Негізгі міндеттер:

• Өндірістік үдерістерге инновациялық технологияларды енгізу;
• Салалық міндеттерді шешуде жаңа тәсілдерді қолдану;
• Мемлекеттік гранттарды тарта отырып ғылыми жобаларды іске асыру;
• Ғылыми мақалалар әзірлеу және жариялау, сондай-ақ компаниялар тобы қызметкерлері арасында ғылыми-зерттеу қызметін дамыту.

Негізгі жобалар:
1. Көмір химиясы бойынша жобаны іске асыру:

• Жобаның алдын ала техникалық-экономикалық негіздемесін әзірлеу;
• Потенциалды инвесторларды тарту;
• Жер қойнауын пайдаланушылармен кездесулер өткізу, сондай-ақ кен орындарына іссапарлар ұйымдастыру;
• Жобаны QazaqGaz инвестициялық комитетінің қарауына шығару.

2. Ғылыми-техникалық қызметті іске асыру:

• Ғылыми аккредитация алу: бұл ҒТЗО-ның ғылыми-зерттеу орталығы ретіндегі мәртебесін бекітіп, гранттық қаржыландыру конкурстарына өз бетінше қатысу мүмкіндігін береді;
• Мақсатты қаржыландыру бағдарламасы /гранттық қаржыландыру конкурстарына қатысу бұл ғылыми қызметке қосымша қаржы тартуға, сондай-ақ QazaqGaz үшін өзекті технологиялық мәселелерді шешуге мүмкіндік береді;
• Қажеттілігі артып келе жатқан және өзекті болып табылатын МУК бағытын зерттеу.